सोलापूर शहरातील काँग्रेसचे युवा नेते माजी नगरसेवक मनोज यलगुलवार यांच्यावर सोलापूर शहर कार्यअध्यक्ष पदाची जबाबदारी पक्षाने सोपवलेली आहे, शहराध्यक्ष प्रकाश वाले यांनी त्यांची नियुक्ती केली . काँग्रेसच्या आमदार तथा प्रदेश कार्याध्यक्ष प्रणिती शिंदे यांच्या हस्ते यलगुलवार यांना निवडीचे पत्र देण्यात आले. त्यावेळी नगरसेवक विनोद भोसले, एनएसयुआय अध्यक्ष गणेश डोंगरे, तिरुपती परकीपंडला, युवराज जाधव, अंबादास करगुळे यांची उपस्थिती होती. मनोज यलगुलवार हे यापूर्वी सोलापूर लोकसभा अध्यक्ष होते, तसेच शहर सरचिटणीस पदाची त्यांच्याकडे जबाबदारी होती, सोलापूर शहरांमध्ये सध्या माजी महापौर संजय हेमगडी मिठाई व्यापारी अरुण शर्मा यांच्याकडे शहराच्या कार्याध्यक्ष पदाची जबाबदारी आहे असे असताना मनोज यलगुलवार यांच्याकडे कार्याध्यक्षपद दिल्याने आता यलगुलवार हे तिसरे कार्याध्यक्ष असून अध्यक्ष प्रकाश वाले यांच्या सोबतीला 3 कार्याध्यक्ष झाले आहेत.
