सोलापूर महानगरपालिकेचा अतिक्रमण विभाग सध्या काय करतोय तेच कुणाला समजेनासे झाले आहे. सोलापूर शहरातील प्रमुख रस्त्यांवर जर चित्र पाहिलं तर प्रचंड अशी मोकाट जनावरे रस्त्याने फिरताना दिसत आहेत, सात रस्ता, रंगभवन चौक, जिल्हा परिषद प्रवेशद्वार, व्हीआयपी रोड अशा सर्व ठिकाणच्या रस्त्यावर मोकाट जनावरांचा वावर वाढलेला आहे. मागे काही वर्षांपूर्वी महापालिकेचे अतिक्रमण वाहन मोकाट जनावरे पकडताना दिसत होते मात्र आता अतिक्रमण वाहन दिसेनासे झाले आहे.
ही मोकाट जनावरे रस्त्याच्या भर मध्ये बसतात त्याच ठिकाणी घाण करतात या जनावरांमुळे नागरिकांना वाहन चालवताना मोठी अडचण होते.
शहरात इतकी मोकाट जनावरे झाली आहेत की मागे काही दिवसापूर्वी जिल्हाधिकारी कार्यालयात तीन चार गाढव शिरली त्यांनी आतील बागेतील गवत इतर झाड खाण्यास सुरुवात केली जिल्हाधिकारी कार्यालयातील अनेक कर्मचारी तसेच बघत जात होते, कुणी हाकलले नाही मात्र त्याठिकाणी असलेल्या काही पत्रकारांनी जिल्हाधिकारी कार्यालयातील शिपायाला फोन करून गाढवा हकलण्यास भाग पाडले, अन्यथा त्या गाढवांनी बागेचा परिसर नाशधुस केला असता.
गाढवांपेक्षा ही मोकाट जनावरे सध्या सर्वत्र वावरताना दिसत आहेत त्यांना पकडण्याची अतिक्रमण विभाग कधी कारवाई करणार याकडे शहरवासीयांचे लक्ष लागले आहे.
