बापरे ! शहर मध्य मधून एक लाखाचा लीड देणार ! शिवसेनेच्या नेत्याला भाजपची किती ‘काळजे ‘
शिवसेना भवन सात रस्ता येथे जिल्हाप्रमुख मनीष काळजे यांच्या संपर्क कार्यालयास महायुतीचे उमेदवार राम सातपुते यांनी भेट दिली. यावेळी राम सातपुते यांना सोलापूर शहर मध्य आमदार प्रणिती शिंदे यांच्या मतदारसंघातून तब्बल एक लाखाचा लीड देऊन निवडून आणू, अशी घोषणा करीत भावी खासदार म्हणून राम सातपुते यांचा उल्लेख जिल्हाप्रमुख मनीष काळजे यांनी केला.
शिवसेनेच्या पदाधिकाऱ्यांचा मान राखून काम करणारा, मुख्यमंत्री एकनाथ शिंदे यांच्या नावाचा जयघोष करून राम सातपुते यांनी बैठकीची सांगता केली.
सदर कार्यक्रम प्रसंगी शिवसेनेचे जिल्हाप्रमुख लक्ष्मीकांत ठोगे-पाटील, महिला जिल्हाप्रमुख कोमल करपे, उपजिल्हाप्रमुख ब्रम्हदेव गायकवाड, अल्पसंख्याक जिल्हाध्यक्ष मुस्ताक शेख, युवासेना तालुकाप्रमुख अतिश गवळी, विद्यार्थी सेनेचे ऋषी घोलप, आकाश मुदगल, लोधी समाज अध्यक्ष सुमित मनसावाले, मोची समाज अध्यक्ष विजय मेत्रे, सोशल मिडिया जिल्हाप्रमुख आशिष जेटीथोर, चर्मकार समाजाचे युवक अध्यक्ष राजेंद्र कांबळे व बहुसंख्य पदाधिकारी उपस्थित होते.
