सोलापूर शहर जिल्ह्यात कोरोना रुग्णांची संख्या जरी कमी झाली असली तरी कोरोना गेला नाही, असे असले तरी सोलापूर शहरांमध्ये मागील काही दिवसात अनेक आंदोलने झाली आहेत त्यामध्ये निदर्शने असतील मोर्चा असेल मिळावे असतील बैठका असतील याला सर्वच पक्षातील कार्यकर्त्यांची मोठी गर्दी झाल्याचं पाहायला मिळालं.
हे ही वाचा (अक्कलकोट म्हणजे “कल्याणशेट्टी जनता पार्टी”(केजेपी) ; भाजप नेत्याचा थेट आरोप)
काही दिवसांपूर्वी मराठा आरक्षण मोर्चा निघाला त्या मोर्चाचे समन्वयक नरेंद्र पाटील यांच्यावरही गुन्हा दाखल झाला, भाजपचे आमदार गोपीचंद पडळकर यांनी सोलापूरात घोंगडी बैठक घेतली त्यांच्यावर ही गुन्हा दाखल करण्यात आला,
काँग्रेस पक्षाच्या वतीने आमदार प्रणिती शिंदे यांच्या नेतृत्वाखाली काँग्रेसच्या विद्यार्थी संघटना असलेल्या एनएसयूआय ने पेट्रोल पंपासमोर निदर्शने केली त्यामध्ये कार्यकर्त्यांसह आमदार प्रणिती शिंदे यांच्यावरही गुन्हा दाखल करण्यात आला या आंदोलना दरम्यान एनएसयुआयचे प्रदेशाध्यक्ष अमीर शेख यांच्या मार्गदर्शनाखाली हे आंदोलन झाल्याचे बातम्यांमध्ये छापून आले होते त्यात तर पोलिसांनी कहर केला अमीर शेख हे सोलापुरात त्या आंदोलनाला नव्हते केवळ त्यांच्या नावाचा उल्लेख होता तरी पोलिसांनी त्यांच्यावरही गुन्हा दाखल केला आहे.
राष्ट्रवादी काँग्रेसच्या वतीने शनिवारी शहर कार्यकर्ता मेळावा आणि कार्यकर्त्यांचा प्रवेश कार्यक्रम घेण्यात आला. या कार्यक्रमाला इतकी प्रचंड गर्दी उसळली की प्रदेशाध्यक्ष जयंत पाटलांना कार्यकर्त्यांना बाहेर जाण्यास सांगावे लागले, या कार्यक्रमाला पालकमंत्री दत्तात्रय भरणे, आमदार संजयमामा शिंदे हे नेते उपस्थित होते, मात्र सदर बझार पोलिसांनी केवळ संयोजक आणि ज्यांनी प्रवेश केला त्यांच्यावर गुन्हे दाखल केले, गुन्हे दाखल करण्यात पोलिसांची सुडबुद्धी दिसून येत असल्याचा आरोप काँग्रेस कार्यकर्त्यांमधून होत आहे. राष्ट्रवादी काँग्रेसचे प्रदेशाध्यक्ष जयंत पाटील, पालकमंत्री भरणेमामा, आमदार संजयमामा हे पोलिसांना कसे दिसले नाहीत हा प्रश्न उपस्थित केला जातो आहे. गृह खातं जाणीवपूर्वक राष्ट्रवादी काँग्रेसच्या नेत्यांवर मेहेरबान झालंय का? सत्तेतील पक्ष असतानाही काँग्रेसच्या नेत्यांवर मुद्दामहून गुन्हे दाखल होतात असे एक ना अनेक प्रश्न सोलापुरातील माध्यमांमधून पोलीस प्रशासनावर उपस्थित केले जात आहेत.
