सुभाष देशमुख कल्याणशेट्टींच्या भूमिकेवर संतापले ! मी त्यांचा पालक पण ते… पॅनल उभा करण्याकडे वाटचाल
सोलापूर कृषी उत्पन्न बाजार समितीच्या निवडणुकीत मोठा राजकीय ट्विस्ट निर्माण झालेला आहे. भाजपचे आमदार तथा जिल्हाध्यक्ष सचिन कल्याणशेट्टी यांच्या नेतृत्वाखाली काँग्रेसचे नेते दिलीप माने, काँग्रेस नेते सुरेश हसापुरे, काँग्रेस नेते बाळासाहेब शेळके यांच्यासह माजी चेअरमन राजशेखर शिवदारे, माजी जिल्हाध्यक्ष शहाजी पवार, अविनाश महागावकर, माजी व्हाईस चेअरमन श्रीशैल नरोळे हे सर्व एकत्रित आले आहेत.
दरम्यान भाजप आणि काँग्रेसमध्ये झालेली ही युती भाजपचे ज्येष्ठ आमदार सुभाष देशमुख यांना मान्य नाही त्यांची वाटचाल विरोधात पॅनल उभी करण्याकडे सुरू असून त्यांनी माध्यमांशी बोलताना आमदार सचिन कल्याणशेट्टी यांच्या भूमिकेवर नाराजी व्यक्त केली.
बाजार समितीच्या निवडणुकीसाठी मी चार ते पाच बैठका घेतल्या आहेत. भाजपच्या आमदारांना विश्वासात घेऊन या बैठका झाल्या परंतु भाजपच्या कोर कमिटीच्या बैठकीत नेमका काय निर्णय झाला हे मला माहित नाही भाजप या निवडणुकीत काँग्रेस सोबत जाण्याची भूमिका कोणत्याही कार्यकर्त्याला मान्य नाही. त्यामुळे ही निवडणूक कार्यकर्त्यांची असून प्रदेशाध्यक्ष चंद्रशेखर बावनकुळे यांच्या आदेशानुसार बाजार समितीची निवडणूक लढवण्याचे संकेत त्यांनी दिले.
मीडियाच्या माध्यमातून आवाहन करणे मला मान्य नाही मी त्यांचा पालक आहे परंतु ते मला पालक मानतात का नाही हे मला माहिती नाही या शब्दात आमदार देशमुख यांनी आमदार कल्याणशेट्टी यांच्यावर नाराजी व्यक्त केली.
सोमवारी झालेल्या पत्रकार परिषदेमध्ये सचिन कल्याणशेट्टी यांनी मुख्यमंत्री देवेंद्र फडणवीस यांच्या नेतृत्वाखाली ही निवडणूक होत आहे आणि या निवडणुकीनंतर तेच निर्णय घेतील असे स्पष्ट सांगितले. पण आता आमदार देशमुख हे या विरोधात असून मुख्यमंत्र्यांच्या विरोधात जाऊन ते पॅनल उभे करण्याची डेरिंग करणार का असाही प्रश्न आता राजकीय क्षेत्रात उपस्थित होत आहे.
