भाजप उमेदवार राम सातपुतेंची सोलापुरात जोरदार एन्ट्री ; कार्यकर्त्यांकडून जंगी स्वागत; जय श्रीराम घुमला नारा
सोलापूर : भारतीय जनता पार्टीच्या वतीने सोलापूर राखीव लोकसभा मतदारसंघासाठी माळशिरसचे आमदार राम सातपुते यांची उमेदवार म्हणून रविवारी अधिकृत घोषणा झाली.
त्यानंतर आमदार सातपुते यांचे सोमवारी सायंकाळी पाचच्या सुमारास छत्रपती संभाजी महाराज चौकामध्ये आगमन झाले. यावेळी कार्यकर्त्यांनी जय श्रीरामच्या जोरदार घोषणा देत त्यांचे जंगी स्वागत केले. यावेळी छत्रपती संभाजी महाराज यांना पुष्पहार अर्पण करून पुढे रॅली निघाली. या रॅलीत महीला पदाधिकारी फेट्यात असल्याने त्यांनी सर्वांचे लक्ष वेधून घेतले होते.
छत्रपती शिवाजी महाराज, डॉक्टर बाबासाहेब आंबेडकर, चार हुतात्मा स्मार कांना अभिवादन करून श्री सिद्धेश्वर मंदिरात दर्शन घेऊन पुढे स्वातंत्र्यवीर सावरकर उद्यानाकडे रॅली रवाना झाली.
यावेळी आमदार सचिन कल्याण शेट्टी, सोलापूर शहराध्यक्ष नरेंद्र काळे, सोलापूर लोकसभा समन्वयक विक्रम देशमुख, शहाजी पवार, मनिष काळजे, माजी मंत्री लक्ष्मण ढोबळे विक्रम देशमुख, युवा नेते मनीष देशमुख, सोमनाथ केंगनाळकर, शशिकांत चव्हाण, दिलीप पतंगे, शोभा बनशेट्टी, विशाल गायकवाड, सागर आतनुरे, सोमनाथ आवताडे, अक्षय अंजिखाने, राजा माने, हेमंत पिंगळे, अनिल चव्हाण, राजश्री चव्हाण श्रीकंचना यनंम, इंदिरा कुडक्याल, योगेश कबाडे, किरण पवार, श्रीनिवास करली, विकास वाघमारे, बाळू आळसंदे, संजय कोळी, राजकुमार पाटील, अनिल कांदलगी, नागेश खरात यांच्यासह भाजप शिवसेनेचे हजारो कार्यकर्ते मोठ्या संख्येने उपस्थित होते
