सोलापूर लोकसभा मतदारसंघातून रामभक्त आस्था एक्सप्रेसने अयोध्याला रवाना
अयोध्या आस्था एक्सप्रेस सोलापूरच्या रेल्वे स्टेशनहून राम भक्तांसाठी स्पेशल रेल्वे सायंकाळी 7 वाजता रवाना झाली. युवा नेते मनिष देशमुख, अक्कलकोट युवा नेते मिलन कल्याणशेट्टी यांनी रेल्वेला हिरवा झेंडा दाखवला.
सोलापूर लोकसभा मतदारसंघातील 6 मतदारसंघातून राम भक्त अयोध्येसाठी रवाना झाले असून,राम भक्तांमध्ये मोठा उत्साह दिसला. युवा नेते मनिष देशमुख यांनी दक्षिण सोलापूर विधानसभा मतदारसंघातून आलेल्या राम भक्तांना भेटून शुभेच्छा दिल्या.
याप्रसंगी भाजयुमो प्रदेश सचिव अक्षय अंजिखाने, भाजप जिल्हा सरचिटणीस विकास वाघमारे, महेश देवकर, सुशील क्षीरसागर, राजकुमार झिंगाडे, डोंगरेश चाबुकस्वार, श्रीशैल हिरेपठ यांच्यासह असंख्य कार्यकर्ते राम भक्तांना निरोप देण्यासाठी उभे होते.
रामभक्तांच्या उत्साहाला आलेले प्रचंड उधाण अपूर्व होते. रामनामाच्या घोषणानी आसमंत दुमदुमून गेला. गुलाल, राममाळा, फुलपाकळ्यांनी उत्साहात आणखीनच भर पडली.
