बापू बाजार समितीला मदत लागली तर सांगा ; मंत्री भरतशेठ यांच्या प्रेसला सुभाषबापू, मनीष अन् विजयमालक
सोलापूर : राज्याचे रोजगार हमी योजना मंत्री भरत शेठ गोगावले हे शनिवारी सोलापूर दौऱ्यावर आहेत. त्यांनी जिल्हाप्रमुख मनीष काळजी यांच्या सात रस्ता येथील शिवसेना भवन या ठिकाणी सदिच्छा भेट दिली. या ठिकाणी शिवसेनेचा प्रवक्त्या ज्योती वाघमारे यांच्यासह राज्याचे माजी सरकार मंत्री आमदार सुभाष देशमुख यांची आवर्जून उपस्थिती होती.
यावेळी मनीष काळजे यांनी बाजार समितीच्या निवडणुकीत आमदार सुभाष देशमुख यांच्या पॅनलला पाठिंबा दिला आहे. त्याच अनुषंगाने झालेल्या पत्रकार परिषदेत माध्यमांनी एकूणच या निवडणुकीत झालेल्या युती संदर्भात भरत गोगावले यांना प्रश्न केला.
ते म्हणाले, का झाली कशी झाली युती, त्यांचे नेते विचारतील परंतु आम्हाला बापूंच्या संदर्भात योग्य वाटलं म्हणून काळजे यांनी बापूंना सहकार्य करायचे ठरवले. आमची नैसर्गिक युती असून युतीचा धर्म आम्ही पाळणार असे सांगितले.
दरम्यान पत्रकार परिषद झाल्यानंतर सुभाष देशमुख हे जात होते. तेव्हा मंत्री गोगावले यांनी बापू बाजार समितीसाठी काही मदत लागली तर सांगा असे म्हणताच त्यांनी मनीष काळजे यांच्याकडे हात करून आहेत की म्हणून बाहेर पडले.
सुभाष देशमुख हे जाताच काही वेळातच माजी पालकमंत्री तथा आमदार विजयकुमार देशमुख हे सुद्धा मनीष काळजे यांच्या कार्यालयात येऊन त्यांनी भरत शेठ गोगावले यांची भेट घेतली. यावेळी गोगावले यांनी “या विजयराव, कसे आहात” असे म्हणून हातात हात दिला.
