मनसेचे इंजिन दक्षिण मध्ये सुसाट ; महादेवाला मिळतोय जनतेचा आशीर्वाद
सोलापूर : महाराष्ट्र नवनिर्माण सेनेचे प्रमुख राज ठाकरे यांची नुकतीच पंढरपूर मंगळवेढा मतदारसंघात सभा झाली. या सभेवेळी त्यांनी दक्षिण सोलापूर विधानसभा मतदारसंघाचे उमेदवार महादेव कोगनुरे तसेच उत्तर विधानसभा मतदारसंघाचे उमेदवार प्रशांत इंगळे यांच्या पाठीशी राहण्याचे आवाहन केले.
दक्षिण मध्ये सध्या लिंगायत समाजातील विविध पक्षांच्या नेत्यांमध्ये विधानसभा निवडणुकीत लढत पाहायला मिळते. या सर्व नेत्यांमध्ये महादेव कोगनुरे हे सर्वसामान्य जनतेमध्ये परिचित आहेत, अनेकांच्या मदतीला ते धावून गेले आहेत. दरवर्षी लाखो विद्यार्थ्यांना मोफत वह्या वाटल्या जातात. त्या माध्यमातून ते आता घराघरात सुद्धा गेल्याचे पाहायला मिळते. वही घेतलेला विद्यार्थी यंदा महादेव मामांना मतदान करा असे आई-वडिलांना सांगत असल्याचे दिसत आहे.
दक्षिण विधानसभा मतदारसंघात सप्तरंगी लढत होत आहे. या लढतीमध्ये आपण बाजी मारू असा विश्वास कोगनुरे यांनी व्यक्त केला. या मतदारसंघातील युवक, शेतकरी, महिला, वृद्धांमध्ये आपली क्रेझ कायम आहे, दक्षिण मध्ये मालक, दादा, बापू यांना मतदार वैतागले आहेत,आपला माणूस म्हणून हे सर्वजण माझ्याकडे पाहतात. महाराष्ट्र नवनिर्माण सेनेचे अध्यक्ष राज ठाकरे यांची दक्षिण मध्ये सभा घेण्याचे नियोजन असल्याचे कोगनुरे यांनी सांगितले.
