आमदार समाधान आवताडे, राजू खरे, खा. ओमराजे या विषयात आक्रमक ; पालकमंत्र्यांनी दिली या भाषेत अधिकाऱ्यांना तंबी
सोलापूर : नवे पालकमंत्री जयकुमार गोरे यांच्या अध्यक्षतेखाली पहिलीच जिल्हा नियोजन समितीची बैठक गुरुवारी घेण्यात आली. बैठकीच्या सुरुवातीला नवे पालकमंत्री जयकुमार गोरे यांचे जिल्हाधिकारी कुमार आशीर्वाद यांनी स्वागत केले. सहा नवे आमदार पहिल्याच बैठकीला उपस्थित असताना त्यांचे स्वागत झाले नाही असे प्रथमच घडल्याचे पाहायला मिळाले. यापूर्वी सर्वच बैठकांमध्ये नव्या सदस्यांचे स्वागत झाले होते.
या बैठकीच्या सुरुवातीला अनुपालन अहवाल वाचन होत असताना खासदार ओमराजे निंबाळकर यांनी शेतकऱ्यांच्या पीक विम्याचा विषय मांडला. कंपन्या शेतकरयांना पीक विमा देत नाहीत, असा मुद्दा उपस्थित केला.
हाच विषय आमदार समाधान आवताडे, आमदार राजू खरे यांनी या चर्चेत सहभाग घेत
खरे म्हणाले, शेतकरयांना वाऱ्यावर सोडून चालणार नाही, आम्ही नवीन निवडून आलेले आमदार आहोत, पीक विमा कंपन्यांना सूचना द्या अशी मागणी केली. तर आमदार समाधान आवताडे यांनी बैठक घेतो म्हणून सांगितले ती घेतली का नाही मला बोलावले नाही अशी नाराजी व्यक्त केली.
पालकमंत्री गोरे यांनी शेतकरयांना भरपाई मिळाली नाही हे चालणार नाही, मी या विषयात गंभीर आहे, हे सरकार शेतकऱ्यांचे आहे, आपण सर्व ही नवीन आहोत मिळून शेतकऱ्यांना न्याय देऊ असा विश्वास दिला.
तसेच विम्याची रक्कम कमी आहे, नेमके कारण काय ही माहिती मागवली आहे पुन्हा ही चूक होता कामा नाही, अशी सक्त ताकीद पालकमंत्र्यांनी अधिकाऱ्यांना दिली
