माढ्यातून धैर्यशील मोहिते पाटलांचा उमेदवारी अर्ज दाखल ; हे नेते उपस्थित
सोलापूर : मागील दोन दिवसांपूर्वीच भारतीय जनता पार्टीला सोडचिट्टी देऊन शरदचंद्र पवार राष्ट्रवादी पक्षाची तुतारी हातात घेणारे धैर्यशील मोहिते पाटील यांनी माढा लोकसभा मतदारसंघातून मंगळवारी दुपारी दीडच्या सुमारास आपला उमेदवारी अर्ज दाखल केला. यावेळी माजी उपमुख्यमंत्री विजयसिंह मोहिते पाटील यांनी सुद्धा पूरक म्हणून आपला उमेदवारी अर्ज दाखल केला आहे.
उमेदवारी अर्ज भरतेवेळी धैर्यशील मोहिते पाटील यांच्यासोबत त्यांच्या पत्नी शितल देवी मोहिते पाटील, जयसिंह मोहिते पाटील, माजी आमदार नारायण पाटील राष्ट्रवादीचे जिल्हाध्यक्ष बळीराम काका साठे, काँग्रेसचे जिल्हा कार्याध्यक्ष सुरेश हसापुरे, शिवसेनेचे जिल्हा संपर्कप्रमुख अनिल कोकीळ यांच्यासोबत अर्ज दाखल केला.
विजयसिंह मोहिते पाटील यांच्या गाडीला जिल्हाधिकारी कार्यालयात पोलिसांनी प्रवेश दिला. माढा लोकसभा साठी विजयसिंह मोहिते पाटील यांनी सुद्धा आपला पुरक अर्ज दाखल केला आहे.
