महादहीहंडी उत्सवाच्या स्टेजची पूजा ; युवराज राठोड यांच्याकडून जोरदार मार्केटिंग
सोलापूर : सोलापूर जिल्ह्यातील सर्वात मोठा दहीहंडी उत्सव साजरा होणार आहे. या उत्सवात दहीहंडी स्पर्धा ठेवण्यात आले असून पहिले बक्षीस तब्बल पाच लाख रुपयाचे ठेवण्यात आले आहे.
सोलापुरातील सोनाई फाउंडेशन आणि स्वयंम शिक्षा फाउंडेशन यांच्या संयुक्त विद्यमाने गुरुवार 22 ऑगस्ट रोजी दुपारी चार वाजता जुळे सोलापुरातील भंडारी ग्राउंड या ठिकाणी या दहीहंडी स्पर्धेचे आयोजन करण्यात आले असून या भव्य दिव्य कार्यक्रमाचे युवराज राठोड यांच्याकडून जोरदार मार्केटिंग करण्यात येत आहे.
शुक्रवारी भंडारी मैदानावर स्टेजचे भूमिपूजन मान्यवरांच्या उपस्थितीत संपन्न झाले. यावेळी मागास समाज सेवा मंडळाचे सचिव सचिन चव्हाण, सामाजिक कार्यकर्ते मेहुल भुरे, कंदलगावचे काँग्रेसचे कार्यकर्ते संजय पोतदार, शिवसेना जिल्हा उपप्रमुख अन्नप्पा सत्तूबर, संतोष घोडके सर, किरण चव्हाण, डिझाईन फॅक्टरीचे अमित रोडगे स्टेजची पूजा करण्यात आली.
सचिन चव्हाण यांनी या उपक्रमाचे कौतुक केले सोलापुरात पहिल्यांदाच इतका मोठा कार्यक्रम होत असून कार्यक्रमाला माझ्या शुभेच्छा आहेत सोलापूरकरांनी स्वतः येऊन हा कार्यक्रम पहावा असे आवाहन केले.
