केमिस्ट अँड ड्रगिस्ट असोसिएशनचा निर्धार,
सोलापूरमध्ये पुन्हा रामभाऊच खासदार
सोलापूर लोकसभा मतदारसंघातील महायुतीचे उमेदवार आमदार राम सातपुते यांच्या प्रचारर्थ सोलापूर डिस्ट्रिक्ट केमिस्ट अँड ड्रगिस्ट असोसिएशनच्या वतीने आयोजित करण्यात आलेल्या संवाद मेळाव्याला आमदार विजयकुमार देशमुख, महायुतीचे उमेदवार राम सातपुते यांच्या प्रमुख उपस्थितीत पार पडला.
यावेळी आमदार देशमुख यांनी मार्गदर्शन करत पंतप्रधान मोदी यांच्या नेतृत्वात आपला देश चांगली कामगिरी करत असून वैद्यकीय क्षेत्रात मोठी भरारी घेतली असल्याची माहिती दिली.
येणाऱ्या काळात तुम्हाला सोलापूर मतदारसंघात अनेक विकासकामे पाहायला मिळतील, सोलापूर मतदारसंघाच्या विकासासाठी मोदी यांच्या नेतृत्वाला संधी देण्यासाठी राम सातपुते यांना मोठ्या संख्येने मतदान करा, असे आवाहन माननीय विजय देशमुख यांनी केले.
याप्रसंगी सोलापुर शहर संयोजक सचिन कुलकर्णी, जिल्हाध्यक्ष वेंकटेश पुजारी, जिल्हा सचिव राजेश विरपे, शहर अध्यक्ष विलास कारभारी, भाजपा महाराष्ट्र केमिस्ट प्रकोष्ठ संयोजक श्रीकांत दुबे, भाजपा पश्चिम महाराष्ट्र केमिस्ट प्रकोष्ठ अध्यक्ष बसवराज मणुरे, जिल्हा सचिव राजेश विरपे तसेच केमिस्ट अँड ड्रगिस्ट असोसिएशनचे पदाधिकारी व मोठ्या संख्येने सदस्य उपस्थित होते.
