मी पुन्हा आलोय ! डेप्युटी सीईओ इशाधीन शेळकंदे यांची बदली मॅटमध्ये रद्द
सोलापूर : विधानसभा निवडणुकीच्या तोंडावर निवडणूक आयोगाच्या सूचनेनुसार राज्यातील उपमुख्य कार्यकारी अधिकारी गटविकास अधिकाऱ्यांच्या मोठ्या प्रमाणात बदल्या करण्यात आल्या त्यामध्ये सोलापूर जिल्हा परिषद ग्रामपंचायत विभागाचे उपमुख्य कार्यकारी अधिकारी ईशाधीन शेळकंदे यांची बदली अमरावती जिल्ह्यातील दर्यापूर गटविकास अधिकारी पदी झाली होती. जिल्हा परिषदेतील एका चांगल्या अधिकाऱ्याची बदली झाल्यामुळे अनेक कर्मचाऱ्यांनी नाराजी व्यक्त केली होती.
यानंतर दुसऱ्या दिवशी शेळकंदे यांनी सोलापूर जिल्हा परिषदेचा पदभार सोडला. मात्र या बदलीच्या विरोधात ते मॅटमध्ये गेले होते. मॅटमध्ये हे प्रकरण चालून शेळकंदे यांची दर्यापूर गटविकास अधिकारी पदी झालेली बदली रद्द करण्यात आली आहे.
शेळकंदे यांना पुन्हा सोलापूर जिल्हा परिषद ग्रामपंचायत विभागाच्या उपमुख्य कार्यकारी अधिकारी पदाचा पदभार घेण्याच्या सूचना मॅप मधून करण्यात आले आहेत. लगेच शुक्रवारी सायंकाळी सातच्या सुमारास शेळकंदे यांचे जिल्हा परिषदेत आगमन झाले त्यांनी मुख्य कार्यकारी अधिकारी यांच्या स्वीय सहाय्यककडे रुजू करून घेण्यासाठी अर्ज दिला आहे.
