चंद्रकांत पाटील यांच्याकडून ६५ हजार वृक्ष लावण्याच्या मोहिमेची सुरुवात
पुणे १० जून : उच्च व तंत्र शिक्षण मंत्री चंद्रकांत पाटील यांचा आपल्या वाढदिवसानिमित्त दरवर्षी वेगवेगळे उपक्रम राबवून समाजात एक वेगळा संदेश देण्याचा अनोखा प्रयत्न असतो. कोथरूडमधील म्हातोबा आणि महात्मा टेकडी येथे वृक्षारोपण करून उपस्थित कार्यकर्ते आणि सहकाऱ्यांसमवेत चंद्रकांत पाटील यांनी सपत्नीक या मोहिमेची सुरुवात केली.
यावर्षी, १० जून २०२४ रोजी, पाटील यांनी वाढिवसानिमित्त वर्षभरात संपूर्ण महाराष्ट्रात ६५ हजार वृक्ष लावण्याचा संकल्प केला आहे. या संकल्पाचा शुभारंभ आज ९ जून २०२४ रोजी, सकाळी ६.३० वाजता कोथरूडमधील म्हातोबा टेकडीपासून करण्यात आला . या संकल्पास पूर्णत्वास नेण्यासाठी सर्वांनी हातभार लावावा, महाराष्ट्राला हरित करण्यात योगदान द्यावे, असे विनम्र आवाहन चंद्रकांत पाटील यांनी केले होते. या उपक्रमात अनेक लोकांनी सहभाग घेतला होते.
चंद्रकांत पाटील यांनी म्हटले कि, वेगवेगळ्या कारणांनी होणारी प्रचंड वृक्षतोड आणि त्या प्रमाणामध्ये नवीन वृक्ष, नवीन झाड न लागणं, यातून निसर्गचित्र पूर्णपणे बिघडलं. यावेळच्या प्रचंड उन्हाळ्यामुळे अनेक गेलेले जीव आपण सगळ्यांनी अनुभवलं. आपण आपापल्यापरीने झाड लावण्याचा, झाड जगवण्याचा प्रयत्न केला पाहिजे. माझा वाढदिवस मी दरवर्षी वेगवेगळ्या प्रकारे साजरा करतो. यावेळी संपूर्ण महराष्ट्रात ६५ हजार झाड लावण्याचा मी संकल्प करत आहे. सुदैवाने माझ्याकडे उच्च शिक्षण विभाग, वस्त्रोद्योग विभाग यासंबंधित सगळ्यांना आवाहन करत वर्षभरामध्ये ६५ हजार झाड लावण्याचा माझा संकल्प असल्याचे पाटील म्हणाले.
