सोलापूरात राहुल गांधी यांच्या प्रतिमेला भाजप कार्यकर्त्यांनी मारले जोडे ; काय आहे नेमके प्रकरण
राहुल गांधी यांनी देशाचे प्रधानमंत्री नरेंद्र मोदी OBC समाजाचे नसून, तेली समाजात जन्मलेले तेली नसतात अशा प्रकारचे बेताल वक्तव्य करून OBC समाजाचे भावना दुखावल्या प्रकरणी सोलापुरातील कन्ना चौक येथे भाजयुमो व OBC मोर्चाच्यावतीने राहुल गांधींच्या प्रतिमेला जोडे मारून निषेध करण्यात आला.
याप्रसंगी बोलताना भाजयुमो प्रदेश सचिव अक्षय अंजिखाने यांनी काँग्रेस ही नेहमीच OBC विरोधी राहिली असून, देशाचा प्रधानमंत्री सामान्य तेली समाजातून झालेला काँग्रेसला पाहिले जात नसल्याने राहुल गांधींनी अशा पद्धतीने OBC विरोधी सूर त्यांच्या आजच्या भाषणातून दाखवला. OBC समाज नक्कीच या वक्तव्याची परतफेड येणाऱ्या लोकसभा निवडणुकीत काँग्रेसला दाखवून देईल व 2019 लोकसभेत 44 जागा आलेली काँग्रेसला 4 जागा देखील मिळणार नाही असे प्रतिपादन केले.
भारतीय जनता OBC मोर्चाचे प्रदेश कार्यकारीणी सदस्य यतीराज होनमाने यांनी OBC मोर्चाच्या वतीने राहुल गांधींच्या वक्तव्याचा निषेध करताना राहुल गांधींना देशाचा प्रधानमंत्री OBC समाजाचा असलेलं रुचत नसल्याने अशा पद्धतीची गरळ ओकल्याचं ते म्हणाले.
याप्रसंगी भाजप प्रदेश कार्यकारणी सदस्य हेमंत पिंगळे, संजय साळुंखे, सागर अतनुरे, नागेश पासकंटी, नागेश गँजी, प्रवीण कांबळे, ओंकार होमकर, अर्जुन मोहिते, नरेश ताटी, रोहन मराठे,व युवा मोर्चा OBC मोर्चा पदाधिकारी उपस्थित होते.
