अनिता माळगे यांच्यावर शिवसेनेने दिली सोलापूर लोकसभेची मोठी जबाबदारी
सोलापूर : यशस्विनी अग्रो प्रोड्युसर कंपनीच्या माध्यमातून हजारो महिलांचे संघटन बांधणाऱ्या अनिता माळगे यांच्यावर मुख्यमंत्री एकनाथ शिंदे गटाच्या शिवसेनेने सोलापूर लोकसभा मतदारसंघाची मोठी जबाबदारी सोपवली आहे माळगे यांना महिला आघाडीच्या सोलापूर लोकसभा संपर्कप्रमुख म्हणून नियुक्ती देण्यात आली आहे.
बाळासाहेब भवन मुंबई येथे शिवसेना सचिव मनीषा कायंदे, शिवसेना नेत्या मीना कांबळे, शीतल म्हात्रे व शिवसेनेच्या प्रवक्त्या ज्योती वाघमारे यांच्या उपस्थितीत अनिता योगेश माळगे यांना सोलापूर लोकसभा संपर्कप्रमुख म्हणून नियुक्ती पत्र देण्यात आले.
